Roobab dabeylo wata ayaa waxay ka da’een saacadihii lasoo dhaafay magaalada Laas-qoray ee gobalka Sanaag.
Roobabka ayaa saameeyey magaalada, waxaana Roobabkaasi ku gumay in ka badan 37 guri oo magaalada ku yaallay.
Sidoo kale Roobabka ayaa ayaa burburiyay goobo ganacsi oo magaalada ku yaallay iyo agabkii yiilay goobahaasi.
Waxaa sidoo kale burburay gaadiid magaalada yaallay iyo doomo yiilay xeebta magaalada Laas-qoray kadib markii ay daadadka gaareen.
Shacabkii magaalada daganaa ayaa badankood isaga barakacay magaalada kadib markii deegaanka intiisa badan ay ku fataheen daadadka Roobabka ay wateen.