Dowladda Ukrain ayaa reer yurub ka dalbatay adeegsiga hubka ridada dheer xilli xiisada labada dhinac ay u muuqato mid kasii fara baxsaneysa sidii hore.
Waxaa lagu soo waramayaa in madaxweynaha Ukrain Volodymyr Zelenskyy uu wadamada reer yurub u dirsaday codsi ku aadan iney si joogta ah u adeegsadaan gantaalada riddada dheer si ay u beegsadaan bartilmaameedyada gudaha Ruushka.
Waxa uu kaloo Zelenskyy intaasi sii raaciyey in hadii midaas ay sameeyaan uu Ruushku ku qasbanaan doono in sida ugu dhaqsiyaha badan u uku yimaado miisaska wadahadalka, ayna meel u dhici doonto xiisada dagaaleed ee soo jiitameysa mudada fog waa sida uu hadalka u dhigee.
“Askarta xukuumada Moscow waxaan gaarsiinayna heer ah inay nabad u raadiyaan dhulkooda ama ay u dhintaan Vladamir Putin dartii, sababtoo ah anagu ma dooneyno in dagaalka iyo musiibada kaliya ay ku koobnaato dhulkeena, waa in ay gaartaa ilaa Ruushka oo aan bartilmaameedsan karnaa meelaha aan doono, ilaa ay miiska wada-hadalka ay soo fadhistaan.” ayuu yiri Zelenskyy intii uu ku jiray hadaljeedintiisa shirka kooxda xiriirka difaaca Ukraine.
Hadalkan kasoo yeeray xukuumada Kiyev dabcan waxa uu dab kusii shidaya xiisada labada dhinac ee soo jiitameysa mudada fog, iyadoona todobaadyadii lasoo dhaafay ay xukuumada Msocow gudaha Ukrian ay ku qadayo weeraro u muuqday kuwa ay kaga soo kabaneyso dharbaaxooyinkii is xig xigay ee kasoo gaaray dhanka Kiyev.
FAAFREEB PRO-WARARKA DUNIDA