Sida joornaalo dhowr ah ay kasoo xiganayaan shabakada wararka ee Ameerkaanka ah ee Axios, madaxa iibka hubka ee waaxda difaaca Mareykanka (Pentagon-ka) Bill LaPlante ayaa sheegay, inuu aad uga naxay awood gantaallada bilihii dambe gacanta u galay Xuutiyiinta.
“Annigu waxaan ahay injineer iyo fiisigiste, waxaanan ku dhex jiray farsamada gantaallada inta badan nolosheyda, waxa aan arkay wixii isbadal ahaa ee ay sameeyeen Xuutiyiinta lixdii bilood ee la soo dhaafay waa wax aan dhab ahaantii aad uga naxay”. ayuu yiri madaxa iibka hubka ee waaxda difaaca Mareykanka.
Gantaaladaan ayaa loo badinayaa in maleeshiyaatkan ay ka heleen dhanka Ruushka iyagoo loo soo mariyey gacanta Iran, balse ma jiraan ilaa hada cadeymo kasoo baxay Labada dhinac, xogaha ayaa inooda badan ku dhisan gorfeyn iyo aragtiyo la isku geeyey.
FAAFREEB PRO