Iran ayaa markii u horreysay soo bandhigtay gantaal cusub oo nuuciisu uu yahay kuwa jara masaafooyinka fog fog dhanka kalana awood u leh inuu dhulka hoostiisa ku socdo in muddo ah isagoo aan qarxin ilaa hadafkiisa uu gaaro waa sida ay xoguhu tibaaxayaane.
Warbixinta ayaa sidoo kale tibaaxeysa in tijaabada ay ciidanka Iran sameeyeen xilli goob joog uu ahaa taliyaha guud ee ciidanka ilaalada kacaanka Hossein Salami, waxaana lasoo bandhigay muuqaallo dhowr ah uu muujinaya qaabka gantaalkan.
Tani ayaa lagu waramayaa iney qeyb ka tahay dhoolatusyo is daba joog ah oo ay xukuumada Tehran u sameyneyso mudooyinkaan dambe, iyadoona qorsheyneysa iney midaas wado ilaa muddo 2 bilood oo xiriir ah.
Dhanka kale waxay midaan kusoo beegantay ayaa la dhihi karaa xilli yuhuuda iyo Mareykanka ay si wada jir ah u qorsheynayaan iney duulaan mar qura ku qaadaan xarumaha nukliyeerka Iran, taasoo hadii ay dhacdo la saadaalinayo iney sababi doonto khasaaro xoogo oo dhan walba ah.
FAAFREEB PRO