Iska hor’imaad culus oo udhaxeeya maleeshiyaadka katirsan kooxda ridada iyo dad hubaysan ayaa ka dhacay qaar kamid ah xaafadaha magaalada Muqdisho.
Wararka laga helayo xaafadaha Macallin Nuur,Jaamacadda illaa iyo Ex.Control Afgooye ayaa sheegaya in halkaas laga maqlayo jugta madaafiic iyo rasaas lays dhaafsanayo.
Iska hor’imaadka ayaa billaawday maanta barqadii kadib markii ay rag hubaysan madfac RPG ah ku dhufteen cagaftii murtad Xasan Gurguurte ee caanka ku aheyd burburinta guryaha shacabka kadibna waxaa billaawday iska hor’imaad culus.
Goob joogayaal ayaa sheegay in maleeshiyaad gurmad ah oo kooxda ridada katirsan ay dagaalka ku biireen halka dhalinyaro hubaysan ay iyana dagaalka kusoo biireen.
dhulboobka kooxda ridada ay ka waddo degmooyin katirsan gobolka Banaadir ayaa dhaliyay xiisada colaadeed, wixii kusoo kordha arrimahan waxaad ku maqli doontaan wararka dambe ee idaacada Andalus insha’allaah