“Roobab mahiigaan ah oo sababay daadad ka dhaca gudaha Qaza” waa ciwaanka warbixin uu daabacay joornaalka maalin laha ah ee Asharqul Awasat taasoo diirada saareysa qodobkan soona bandhigeysa sawirro muujinaya fatahaada ka dhacday marinka.
Sida lagu waramayo waxaa saacadihii lasoo dhaafay gudaha marinka ku dhuftay roobab mahiigaan ah kuwaas oo sababy iney burburaan teendhooyin fara badan oo ka dhisnaa gudaha marinka Qaza, waxaa sidoo kale lagu waramayaa iney caruur badan hadda ku sugan yihiin xaalad daran oo qabow ah.
Waxaa sidoo kale lagu waramayaa inuu marinka ka jiraan dabeylo xoogan oo jirida ka siibaya teendhooyinka dhisan, iyadoo dhanka kale baraha kala duwan ee Internet-ka lagu arkayey muuqaalo iyo sawirro muujinaya arinkaas.
Dhnak kale waxaa si aad ah u baahay muuqaalo laga soo duubay gudaha Qaza kuwaas oo lagu arkayo shacabka muslimka ee reer Filistiin oo dhulka hoostiisa godad yar yar ka qodanaya si ay uga gabaadsadaan qabowga daran ee dhacaya waayahan dambe, halka taa badalkeed wadamadii carabta ay dariska ahaayeen ay u dabaal dagayaan curashada sanadka 2025 iyo waxyaabo kale oo aan maalaayacni ah.
FAAFREEB PRO